Ávaxtasýrumeðferð - Hreinsun, endurnýjun og ljómi

Ávaxtasýrumeðferð er áhrifarík og öflug húðmeðferð sem örvar endurnýjun húðarinnar, hreinsar svitaholur og stuðlar að jafnvægi húðarinnar. Húðfegrun notar hreina og öfluga sýru frá SkinCeuticals, sem er sérstaklega hönnuð til að bæta áferð, jafna húðlit og gefa húðinni bjartara og frísklegra útlit.

Afhverju að velja hreina sýru?

‍- Meiri virkni - Vinnur dýpra í húðina og veitir hámarksárangur
- Lítil hætta á óþoli - Hreinar sýrur eru betur þolanlegar
- Lágt pH-gildi - Örvar húðina á áhrifaríkan hátt

‍Ávaxtasýrumeðferð losar um dauðar húðfrumur á ysta lagi húðarinnar, hreinsar svitaholur og örvar náttúrulegt endurnýjunarferli húðarinnar. Strax eftir meðferð fær húðin bjartara, frísklegra og jafnara yfirbragð.‍

Hvernig virkar ávaxtasýrumeðferð?

Ávaxtasýrumeðferð losar um dauðar húðfrumur, hreinsar svitaholur og eykur endurnýjun húðarinnar. Strax eftir meðferð verður húðin bjartari, frísklegri og jafnari.

Kostir meðferðarinnar:

- Hreinsar húðina - Brýtur niður óhreinindi í svitaholum
- Jafnar olíuframleiðslu - Kemur jafnvægi á feita og blandaða húð
- Bakteríudrepandi áhrif - Vinnur vel á bólum og fílapenslum
- Róandi áhrif - Hentar viðkvæmri húð, rósroða og bóluhúð
- Vinnur gegn öldrun - Þéttir, styrkir og dregur úr fínum línum
- Jafnar húðlit - Dregur úr litabreytingum vegna sólarskemmda, hormónaójafnvægis (melasma) og bólna

Hvaða ávaxtasýrumeðferð hentar þér?

Við bjóðum upp á tvær öflugar ávaxtasýrumeðferðir frá SkinCeuticals, Micropeel 30% og Pigment Balancing Peel 40%. Báðar stuðla að endurnýjun húðarinnar og bæta áferð hennar, en hvor meðferð hentar þér best fer eftir húðgerð og markmiðum.

Micropeel 30% - Fyrir endurnýjun og raka

Hentar þeim sem vilja:
- Minnka fínar línur og ótímabær öldrunarmerki
- Vinna á þurrki og húðskemmdum frá sól
- Fá jafnari húðlit og frísklegra yfirbragð

Pigment Balancing Peel 40% - Fyrir litabreytingar og bóluhúð

Hentar þeim sem vilja:
- Vinna á litabreytingum frá sólarskemmdum eða hormónaójafnvægi (melasma)
- Vinna á rauðum bóluflekki og bóluhúð
- Jafna olíuframleiðslu húðarinnar

Virk bóluhúð? Ef þú ert með virkar bólur (acne) er hægt að bæta Sanitizing Booster við meðferðina til að draga úr óhreinindum og fituframleiðslu húðarinnar.

Á bólulyfjum? Mælt er með að ráðfæra sig við meðferðaraðila áður en meðferð er bókuð ef þú ert á bólulyfjum.

‍

Almennar upplýsingar

Fjöldi meðferða: Stök meðferð frískar upp á húðina og örvar starfsemi hennar en til að ná sem bestum árangri er mælt með því að teknar séu 4-6 meðferðir með 10-14 daga millibili, fer eftir styrk meðferðar og húðgerð en með hverri meðferð næst betri og betri árangur.

Eftir meðferð: Eftir meðferð getur borið á roða og jafnvel bólgu í húð sem getur varað frá 2-3 dögum og allt upp í viku, fer eftir styrk meðferðar og húðgerð. Í sumum tilfellum getur komið þurrkur og húðin flagnað, en eru það eðlileg viðbrögð húðarinnar við meðferðinni.

Mælt er með því að bera græðandi rakakrem á meðferðarsvæðið tvisvar á dag í a.m.k. viku. Eftir meðferð verður húðin viðkvæmari fyrir sól og er því mikilvægt að nota sterka sólarvörn (a.m.k. SPF 30) og forðast sól eins og hægt er fyrstu vikuna eftir meðferð. Gott er að sleppa líkamsrækt og sundi í 1-7 daga eftir meðferð, fer eftir styrk meðferðar og húðgerð.

Ávaxtasýrumeðferð hentar vel samhliða öðrum húðmeðferðum

Til að ná fram enn betri og heildstæðari árangri er hægt að framkvæma Ávaxtasýrumeðferð samhliða öðrum húðmeðferðum. Leita má ráðgjafar hjá sérfræðingum Húðfegrunar til að finna þær meðferðasamsetningar sem henta þinni húð best og ákvarða hversu langur tími skuli líða á milli meðferða. Dæmi um meðferðir sem henta vel samhliða Ávaxtasýrumeðferð eru t.d. Húðslípun og DermaClear.