Sveppaeyðing á nögl | Einföld og áhrifarík meðferð

• Tvíþætt lasermeðferð

• Eyðir svepp í nögl

• Eyðir bakteríum í naglabeði

• Tvíþætt lasermeðferð

• Eyðir svepp í nögl

• Eyðir bakteríum í naglabeði

Hvað er naglasveppur?

Naglasveppur er sýking sem byrjar jafnan í naglabeðinu og færist svo smám saman yfir í nöglina sjálfa. Oft berst sýkingin í naglabeðið í gegnum sprungur í nöglum eða áverka í aðliggjandi húð. Til eru mismunandi tegundir af sveppum og geta þær jafnvel smitast yfir í aðrar neglur.

Einkenni naglasvepps geta m.a. verið bognar og ójafnar neglur, hvítur, gulur eða gulbrúnn litur á nöglum og vond lykt. Auk þess eiga neglur það til að brotna og klofna auðveldlega og jafnvel losna frá naglabeði ef sveppur er rótgróinn.

Áður en meðferð er hafin er gott að fá greiningu á að um naglasvepp sé að ræða þar sem einkenni Psoriasis í nöglum geta verið mjög svipuð einkennum naglasvepps.

Hvað er Sveppaeyðing?

Sveppaeyðing er tvíþætt lasermeðferð með nýjustu tækni frá Alma Lasers sem fjarlægir svepp í nögl án neikvæðra áhrifa á nærliggjandi vefi eða heilsu. Hitinn frá lasernum brýtur niður bæði bakteríur í naglabeði og svepp í nögl á sama tíma og hann hraðar viðgerðarferli húðarinnar. Í kjölfarið vex ný og heilbrigð nögl upp á ný.

Varanleg lausn á þrálátu vandamáli

Sveppir í nöglum eru nokkuð þrálátt vandamál, enda eru þeir afar lífseigir. Hingað til hafa lasermeðferðir einungis verið að einblína á nöglina sjálfa, en þar sem rót vandans liggur í raun í naglabeðinu hefur verið erfitt að losna varanlega við naglasveppinn. Tæknin sem Húðfegrun notar er sú fyrsta sinnar tegundar og byggir á notkun tveggja mismunandi bylgjulengda. Önnur þeirra er að vinna á sveppnum í nöglinni og hin á bakteríunum sem til staðar eru í naglabeðinu. Með því að ráðast einnig að bakteríunum í naglabeðinu sem með tíð og tíma smitast yfir í nögl er í raun verið að koma í veg fyrir að vandamálið liggi í dvala og taki sig upp að nýju.

Almennar upplýsingar til að hafa í huga fyrir og eftir Sveppaeyðingu

Fjöldi meðferða: Áætla má að framkvæma þurfi meðferð í að lágmarki 4-6 skipti til að losna alfarið við sveppinn. Allavega mánuður þarf að líða á milli meðferða. Best er þó að láta 6-8 vikur líða á milli meðferða á tánöglum þar sem þær vaxa mun hægar en neglur á fingrum.

Fyrir meðferð: Mælt er með að nögl sé vel snyrt og þynnt fyrir meðferð.

Eftir meðferð: Eftir að meðferð er framkvæmd geta verið til staðar eymsli í nögl og tá samdægurs. Mælt er með að bera græðandi krem á svæðið tvisvar á dag í a.m.k. viku eftir meðferð. Forðast skal sól eins og hægt er í a.m.k. viku eftir meðferð og nota sterka sólarvörn. Einnig skal sleppa líkamsrækt og sundi í 1-2 daga eftir meðferð.

Samhliða meðferðum er mikilvægt að gæta hreinlætis og þvo hendur og fætur reglulega, sótthreinsa naglaklippur eftir notkun, skipta oft um sokka, nota sokka sem draga í sig svita og skóbúnað úr efnum sem anda, nota skóbúnað í sundlaugum og búningsklefum og sleppa naglalakki og gelnöglum.