Augnlyfting

Lyftir augnlokum sem farin eru að síga ásamt því að þétta húð á augnsvæði með náttúrulegum hætti.

Augnsvæði

Kaupa meðferð

Bóka tíma núna

Við erum opin núna (9-17)

Hjúkrunarfræðingur Diana hjá Húðfegrun veitir faglega ráðgjöf fyrir meðferð við augnsvæði. Hlýlegt og sérhæft klínískt umhverfi í Reykjavík þar sem nýjustu meðferðartækni er beitt. Bókaðu ráðgjöf eða meðferð beint hjá sérfræðingum okkar.

Hvernig er Augnlyfting framkvæmd?

Augnlyfting var sérstaklega þróuð til þess að lyfta augnlokum sem farin eru að síga án þess að fara í skurðaðgerð en meðferðin þéttir einnig slappa húð á augnsvæðinu, vinnur á fínum línum og birtir uppá augnsvæðið.

Radiofrequency plasma tækni frá Alma Lasers er notuð við framkvæmd meðferðar. Þessi tvíþætta tækni miðar að því örva kollagen- og elastínframleiðslu á svæðinu með náttúrulegum hætti. Microplasma neistar sem skadda ysta lag húðar (e. ablative effect), án þess að valda varanlegum skaða eða öramyndun, í þeim tilgangi að koma viðgerðarferli húðarinnar af stað og örva þannig endurnýjun hennar. Á sama tíma og unnið er á ysta lagi húðar er radiofrequency tækni notuð til að beina hita beint niður í undirlag húðarinnar (e. thermal effect) og örvar þannig kollagen og elastínþræði, í kjölfarið styrkist bandvefur húðarinnar. Með hjálp þessarar tvíþættu tækni þéttist húðin smám saman og augnlok lyftast.

Meðferðin hentar öllum húðgerðum og aldurshópum.

Lyftir augnlokum, þéttir slappa húð og mildar hrukkur og línur

Með hækkandi aldri hægir á framleiðslu kollagens og elastíns sem gerir það m.a að verkum að augnlok byrja að síga, húð á augnsvæðinu fer að slappast og augnpokar byrja að myndast. Húðin á augnsvæðinu er þunn og viðkvæm og er því algengt að fyrstu hrukkurnar komi þar í kring.

Hægt er að framkvæma Augnlyftingu einungis á efra augnsvæði sé markmið með meðferð að lyfta signum augnlokum eða einungis á neðra augnsvæði sé markmið með meðferð að þétta slappa húð, milda fínar línur og birta uppá augnsvæðið en með því að taka bæði efra og neðra augnsvæði næst góður alhliða árangur.

Meðferðina má framkvæma sem forvörn fyrir þá sem finna fyrir að húð á augnlokum sé að byrja þyngjast og viðhalda þannig þéttari húð og koma í veg fyrir augnlokaaðgerð á síðari stigum.

Lyftir augnlokum með náttúrulegum hætti
Vinnur á hrukkum og fínum línum á augnsvæði
Þéttir húð á augnsvæði
Birtir uppá augnsvæði
Mildar hrukkur og fínar línur
Vinnur á pokum undir augum

Almennar upplýsingar

Árangur: Árangur meðferðar á ysta lag húðar er almennt fljótur að koma fram eftir að húð hefur jafnað sig en áhrif á dýpri lög húðarinnar eru lengur að koma fram og getur tekið allt að 3 mánuði að sjá heildar árangur meðferðar.

Fjöldi meðferða: Fjöldi meðferða fer eftir markmiði með meðferð og ástandi húðar en eftir hverja meðferð næst árangur. Ef augnlok eru farin að síga er mælt með að teknar séu 2-4 meðferðir til þess að ná sem bestum árangri. Ef húð er byrjuð að slappast eða fínur línur að myndast má áætla að framkvæma þurfi meðferð í 1-2 skipti en áætla má að framkvæma þurfi meðferð í 3-4 skipti ef húð undir augum er orðin verulega slöpp og hrukkur djúpar. Framkvæma má meðferð með 6-8 vikna millibili en fer það eftir því hversu djúpt er unnið niður í undirlag húðarinnar.

Fyrir meðferð: Mælt er með því að bera á sig deyfikrem á meðferðarsvæði um 45 mínútum fyrir meðferð til þess að draga úr sársauka á meðan á meðferð stendur.

Eftir meðferð: Eftir meðferð myndast roði og bólga á húð sem getur varað frá nokkrum klukkustundum og upp í 2-3 daga. Dökkir blettir og hrúður sést á húð í 5-10 daga eftir meðferð og til þess að forðast öramyndun er mikilvægt að láta hrúður alveg vera þangað til það dettur sjálfkrafa af. Varast skal að bleyta meðferðarsvæðið í 2 daga eftir meðferð og gæta fyllsta hreinlætis svo ekki sé hætta á sýkingu.

Nauðsynlegt er að bera græðandi krem eða serum á svæðið tvisvar á dag í a.m.k. viku eftir meðferð og mælum við með húðvörum eins og Phyto Corrective Gel serum frá Skin Ceuticals sem hefur bæði græðandi og róandi áhrif á húðina og Epidermal Repair sem hjálpar húð að endurnýja sig hraðar og eykur áhrif meðferðar. Mikilvægt er að forðast sól eins og hægt er í a.m.k. viku eftir meðferð og nota sterka sólarvörn. Mælt er með því að sleppa líkamsrækt samdægurs og sundi í a.m.k. viku.

EMLA leiðbeiningar:

Berið EMLA deyfikrem á hreina og þurra húð 45-60 mínútum fyrir meðferð. Bera skal kremið á meðferðarsvæði en ekki nudda því inn í húð. Gott er að bæta smá deyfikremi á meðferðarsvæði á 15 mín fresti fram að meðferð.

Deyfing endist almennt í um 2 klst eftir að krem hefur verið fjarlægt af líkama en í styttri tíma eftir að krem hefur verið fjarlægt af andliti.

Ef EMLA berst fyrir slysni í auga skal skola það strax vel með volgu vatni og hlífa auganu þar til deyfingin fer úr.

Algengar spurningar

Hver er munurinn á Augnlyftingu og Laserlyftingu á augnsvæði?

Augnlyfting er okkar öflugasta meðferð til að vinna á signum augnlokum og hrukkum á augnsvæði en Laserlyfting er okkar besta meðferð til að vinna á baugum, vökvasöfnun, þrota og þreytu á augnsvæði. Báðar meðferðirnar eru þó að vinna á öllu ofangreindu, þ.e. Augnlyfting er einnig að vinna á baugum, vökvasöfnun, þrota og þreytu og Laserlyfting er einnig að vinna á signumaugnlokum og hrukkum.
Laserlyfting er algjörlega sársaukalaus og engir áverkar sjást á húðinni eftirmeðferð en þurfi almennt fleiri meðferðir og árangur lengur að koma í ljós. Augnlyfting er hins vegar nokkuð sársaukafull og mælum við því með því að deyfikrem sé borið á augnsvæði um 45 mínútum fyrir meðferð. Algengt er að áverkar sjáist á húðinni í nokkra daga á eftir (roði, bólga og dökkir blettir) en þurfi færri meðferðir og er árangurin yfirleitt að koma fram á styttri tíma heldur en þegar um Laserlyftingu er að ræða.

Hversu lengi endast áhrifin af Augnlyftingu?

Áhrifin af meðferðinni endast að meðaltali í 3-4 ár áður en öldrunarferlið fer aftur af stað, þ.e. húðin byrjar að slappast á ný oghrukkur að myndast. Við ráðleggjum viðskiptavinum gjarnan að koma ca. einusinni á ári til að halda árangrinum við.