SkinBooster er húðendurnýjandi meðferð sem gefur húðinni aukinn raka og örvar náttúrulega framleiðslu kollagens og elastíns. Meðferðin stuðlar að þéttari, stinnari og teygjanlegri húð, mýkir fínar línur og gefur þurri eða þreytulegri húð aukinn ljóma. SkinBooster hentar sérstaklega vel fyrir andlit og augnsvæði þar sem markmiðið er að bæta raka, húðáferð og þéttleika.
Andlit - Augu
Þunnfljótandi og náttúrulega fjölsykrugelinu Hydro Deluxe frá Neauiva Organic sprautað grunnt í húð á meðferðferðarsvæði og er meðferðin framkvæmd af hjúkrunarfræðingum Húðfegrunar. Hydro Deluxe inniheldur ásamt náttúrulegar fjölsykrur, ýmis steinefni og ákveðna samsetningu amínósýra, sem eru aðal innihaldsefni kollagens. Það sem gerir Hydro Deluxe þó fyrst og fremst sérstakt er náttúrulega steinefnið calcium hydroxiapatite (CaHA) sem örvar framleiðslu kollagens, elastíns og náttúrulegra fjölsykra í líkamanum.
Eftir því sem við eldumst hægir smám saman á framleiðslu náttúrulegra fjölsykra, sem gefa húðinni raka og fyllingu; kollagens, sem gefur húðinni aukinn þéttleika; og elastíns, sem gefur húðinni teygjanleika, húðin fer því að slappast og fínar línur og hrukkur byrja að myndast.
Hin einstaka efnasamsetning Hydro Deluxe gefur húðinni aukinn raka þar sem það bæði inniheldur mikið magn náttúrulegra fjölsykra og örvar framleiðslu þeirra. Meðferðin stuðlar að þéttari, stinnari og teygjanlegri húð ásamt því að grynnka hrukkur og fínar línur.
Margir glíma við þurra og þreytulega húð, sérstaklega yfir vetrarmánuðina. SkinBooster meðferð er algjör raka- og næringarsprengja fyrir húðina og hentar því sérlega vel til að fríska upp þreytta húð og gefa henni heilbrigðara og fyllra yfirbragð.
Meðferðin er gjarnan notuð til að fríska upp á augnsvæðið, þar sem efnið er þunnfljótandi hentar það þunnri og viðkvæmri húðinni á augnsvæðinu afar vel. Rakinn og næringarefnin gefa augnsvæðinu ferskara, líflegra og bjartara yfirbragð og aukin fylling dregur úr ásýnd bauga og þreytumerkja.
Samsetning þessara meðferða hentar sérlega vel þeim sem vilja gefa þreytulegri húð sem byrjuð er að slappast þéttingu, raka og ljóma. Meðferðirnar eru báðar að örva kollagenmyndun í mismunandi lögum húðarinnar, Húðþétting dýpra niður í undirlagi húðar og SkinBooster í efri lögum hennar. Alhliða þétting næst því til lengri og skemmri tíma. Samhliða þéttingu gefur SkinBooster húðinni raka og ljóma og nærir hana með ýmsum steinefnum og amínósýrum.
Fjöldi meðferða: Góður árangur næst eftir staka meðferð en til þess að ná hámarksárangri er mælt með 2–4 meðferðum með 2–4 vikna millibili. Til að viðhalda árangrinum er mælt með SkinBooster meðferð á 6–12 mánaða fresti.
Fyrir meðferð: Til að draga úr sársauka á meðan á meðferð stendur er mælt með að bera deyfikrem á meðferðarsvæði um 45–60 mínútum fyrir meðferð.
Til að draga úr líkum á bólgu og mari eftir meðferð er einnig gott að hafa í huga að gera hlé á notkun magnyls og annarra blóðþynnandi lyfja í 3–5 daga fyrir meðferð sé þess kostur. Það sama á við um inntöku lýsis og áfengis, sem bæði hafa blóðþynnandi áhrif.
Eftir meðferð: Eftir að meðferð er framkvæmd geta myndast roði og bólga sem geta varað í 2–7 daga. Í sumum tilvikum getur myndast mar eftir meðferð, en það eru eðlileg viðbrögð húðarinnar við meðferðinni. Mælt er með því að kæla meðferðarsvæði vel fyrst eftir meðferð þar sem það dregur verulega úr bólgumyndun.
Ekki má koma við meðferðarsvæðið í 4 klst. eftir meðferð. Eftir þann tíma má strjúka svæðið með mildum andlitshreinsi og vatni. Einnig má þá bera rakagefandi krem á svæðið og nota farða. Mælt er með að forðast sund, óhreint umhverfi og ryk sama dag og meðferð er framkvæmd. Mikilvægt er að nota sterka sólarvörn í a.m.k. viku eftir meðferð og forðast sól eins og hægt er.
Til að ná fram enn betri og heilstæðari árangri er hægt að framkvæma SkinBooster samhliða öðrum húðmeðferðum. Leita má ráðgjafar hjá sérfræðingum Húðfegrunar til að finna þær meðferðasamsetningar sem henta þinni húð best. Dæmi um meðferðir sem henta alltaf vel samhliða SkinBooster eru t.d. Húðþétting og Hollywood Glow.
Ertu með spurningar áður en þú bókar SkinBooster meðferð eða vilt vita hvort meðferðin henti þinni húð?
Við aðstoðum þig við að finna réttu meðferðina og bóka tíma sem hentar þér.
Vísindalega þróaðar húðvörur sem bæta áferð, vernda húðina og styðja við heilbrigðan og náttúrulegan ljóma til lengri tíma.
Lúxusmeðferð sem sameinar djúpan raka, endurnýjun og aukinn ljóma fyrir ferskara, sléttara og heilbrigðara útlit húðarinnar.
