40Við hjá Húðfegrun óskum þér gleðilegs árs og þökkum samfylgdina á liðnu ári. Við höfum sett okkur ýmis markmið fyrir árið og hlökkum til að halda áfram að mæta þörfum viðskiptavina okkar.


Nýtt ár – Ný markmið

Margir hafa það að markmiði að minnka sentimetramálið á nýju ári. Af því tilefni viljum við hjá Húðfegrun leggja okkar af mörkum og kynna fyrir lesendum tvær meðferðir sem geta hjálpað til við að ná því markmiði. Þetta eru Húðþétting og Fitueyðing sem eru magnaðar meðferðir hvor um sig og virka einnig vel saman. 

Húðþétting

Húðþétting er öflugasta og áhrifaríkasta meðferð sem býðst á markaðnum til að byggja upp og þétta slappa húð og vinna burt appelsínuhúð.

Það sem gerir meðferðina einstaka er markviss og öflug útvarpsbylgjutækni (e. radio frequency) sem tryggir árangursríka og örugga uppbyggingu djúpt í undirlagi húðarinnar með náttúrulegum hætti. Í kjölfarið fer húðin að draga sig saman og slöpp húð þéttist.

Hver er ávinningurinn af Húðþéttingu og hverjir nýta sér meðferðina?

Húðþétting lyftir slappri húð og þéttir hana. Hún vinnur einnig á hrukkum og er öflug lausn við húðslitum. Auk þess örvar hún kollagenframleiðslu húðarinnar og gefur þar með unglegra útlit. Húðþétting er áhrifarík og örugg meðferð.

Bryndís Alma, framkvæmdastjóri Húðfegrunar, segir að hægt sé að framkvæma Húðþéttingu hvar sem er á líkamanum og í andlitinu. „Bæði konur og karlar koma í Húðþéttingu. Sumir koma til að minnka magamálið en aðrir koma til að láta þétta kjálkalínuna eða þétta húð annars staðar á líkamanum. Meðferðin skilar almennt góðum árangri.“

Bryndís segir jafnframt að til að ná hámarksárangri sé viðskiptavinum ráðlagt að drekka vel af vatni samhliða meðferð. Hún mælir með því að koma í fjögur skipti til að ná sem bestum árangri.

Tvær vikur þurfa að líða á milli meðferða. Þetta er því tilvalinn tími til að hefja meðferð í Húðþéttingu og ná árangri fyrir sumarið.

Elínborg er 55 ára og nýtti sér Húðþéttingu nýverið

„Mér fannst húðin vera farin að slappast við kjálkalínuna og ákvað að panta mér viðtalstíma hjá Húðfegrun til að meta hvað væri hægt að gera fyrir mig. Ég fékk ráðgjöf hjá hjúkrunarfræðingi sem ráðlagði mér Húðþéttingu. Ég keypti fjóra tíma og fékk 15% magnafslátt. Það liðu tvær vikur á milli tímanna. Mér finnst ég sjá mikinn mun eftir þessar fjórar meðferðir. Húðin er mun þéttari og það ber minna á undirhökunni.“ 

Drífa er 43 ára og lauk nýlega fjórðu meðferð í Húðþéttingu á upphandleggjum

„Ég ákvað að prófa Húðþéttingu vegna þess að húðin á upphandleggjunum var orðin tveimur númerum of stór. Ég kom í fyrstu tvær meðferðirnar með tveggja

vikna millibili. Nokkrum vikum eftir aðra meðferðina tók ég eftir því að húðin hafði þést töluvert. Eftir þriðju og fjórðu meðferðina fannst mér ég losna við bjúg af upphandleggjunum og í kjölfarið þéttist húðin enn meira. Jakkar og peysur sitja nú mun betur og ég hlakka til að geta gengið í ermalausu næsta sumar.“ 

Fitueyðing

Fitueyðing er byltingarkennd húðmeðferð sem byggð er á nýjustu tækni á sviði náttúrulegrar fitueyðingar án skurðaðgerðar. Meðferðin skilar einstaklingum varanlegum árangri og er framkvæmd með þeim hætti að fitufrumur eru brotnar niður og þeim eytt fyrir fullt og allt. Það sem gerir Fitueyðingu einstaka er hljóðbylgjutækni (e. ultrasound) sem tryggir stórkostlegan langtímaárangur með náttúrulegum hætti.

Hver er ávinningurinn af Fitueyðingu?

Fitueyðing er frábær meðferð fyrir þá sem vilja losna við fitu á erfiðum svæðum án þess að fara í skurðaðgerð. Bryndís Alma segir Fitueyðinguna byggja á nýjustu tækni til að eyða fitu. „Þetta er örugg og áhrifarík meðferð án aukaverkana. Árangurinn er sambærilegur við árangur af fitusogi með skurðaðgerð en það sem Fitueyðing hefur fram yfir fitusog er að þú getur farið í vinnu strax eftir meðferð. Meðferðin er þar að auki sársaukalaus, svo það er til mikils að vinna“, segir Bryndís Alma að lokum. 

Hverjir nýta sér Fitueyðingu?

Bæði konur og karlar á ýmsum aldri nýta sér Fitueyðingu hjá Húðfegrun. Þau svæði sem oftast eru til vandræða hjá báðum kynjum, þrátt fyrir heilbrigt mataræði og heilbrigðan lífstíl, eru undirhaka, upphandleggir, læri, bak/mjaðmir og neðri magi.

Til að ná hámarksárangri er mælt með því að drekka vel af vatni samhliða meðferð. Ætla má að framkvæma þurfi meðferð í að lágmarki fjögur skipti til að ná sem bestum árangri. Tvær vikur þurfa að líða á milli meðferða. 

Guðbjörg er 52 ára og hefur komið í Fitueyðingu

„.Ég ákvað að nýta mér Fitueyðingu hjá Húðfegrun vegna þess að þrátt fyrir að ég hafi bæði lést og styrkst, losnaði ég ekki við fitu á neðri maga, sem mér þótti hvimleitt. Meðferðin sjálf þótti mér mjög notaleg og ég fann aðeins fyrir yl á húðinni á meðan á henni stóð. Það kom mér á óvart hvað þetta var þægileg og einföld meðferð. Fljótlega eftir að ég hóf meðferð, fann ég að húðin fór að mýkjast og fitan hvarf svo hægt og rólega, en þó ekki fyrr en ég var búin að koma í þrjár meðferðir. Það var svo þremur mánuðum eftir að ég lauk sex meðferðum að ég var orðin rosalega sátt við árangurinn og magasvæðið hefur aldrei verið svona flott.“

Hver er munurinn á Húðþéttingu og Fitueyðingu?

Fitueyðing er framkvæmd með hljóðbylgjum (e. ultrasound) sem brjóta niður fitufrumur þannig að fitan eyðist hægt og rólega úr líkamanum í gegnum sogæðakerfið. Í kjölfar meðferðar minnkar ummál á meðferðarsvæði smám saman.

Húðþétting er framkvæmd með útvarpsbylgjum (e. radio frequency) sem hita upp meðferðarsvæðið og leiða til þess að slöpp húð fer að draga sig saman. Í kjölfarið verður húð á meðferðarsvæði smám saman þéttari og stinnari.

Báðar meðferðirnar eiga það sameiginlegt að þær stuðla að því að sentimetramálið minnkar.

 

Bryndís segir hjúkrunarfræðinga Húðfegrunar meta hvor meðferðin henti hverjum einstaklingi. Í sumum tilfellum er einnig mælt með Húðþéttingu og Fitueyðingu samhliða, svo þétta megi húðina á svæðinu þar sem fitunni er eytt.

non mi, ut pulvinar Phasellus tristique vel, porta. Nullam