Kollagen er orð sem flestir hafa heyrt. Þó eru sennilega færri sem vita hvað kollagen er og hvaða tilgangi það gegnir fyrir heilbrigði húðarinnar. Sérfræðingar Húðfegrunar fá oft spurningar þessu tengdar. Því höfum við tekið saman upplýsingar um kollagen sem við vonum að lesendur hafi bæði gagn og gaman af. 

Hvað er kollagen? 

Orðið kollagen kemur úr grísku og er samsett af kolla sem merkir lím og gen sem vísar til framleiðslu. Því mætti segja að kollagen sé í bókstaflegri merkingu orðsins, „framleiðslu-lím“ enda er það eitt helsta byggingarprótein líkamans.

Kollagen er samsett úr amínósýrum sem mynda nokkurs konar fléttaða þræði. Kollagen er að finna í húðinni, beinum og í bandvef líkamans eins og sinum og liðböndum.

Díana, hjúkrunarfræðingur hjá Húðfegrun segir að um 80% húðarinnar samanstandi af kollageni og að hægjast fari á náttúrulegri kollagenframleiðslu húðarinnar við 25 ára aldur.

Nokkrar staðreyndir um kollagen 

  • Kollagen er að finna í öllum líkamanum, sérstaklega í húð, beinum og bandvef.
  • Líkaminn hýsir sextán mismunandi tegundir af kollageni og eru sumar þeirra sterkar sem stál.
  • Reykingar og UV geislar draga úr framleiðslu kollagens.
  • Kollagen er notað í sárameðferð.
  • Ýmsar húðvörur eru sagðar eiga að auka virkni kollagens. Ólíklegt er þó að sú sé raunin þar sem kollagensameindirnar eru taldar of stórar til að þær geti sogast í gegnum húðina.

Hvaða meðferðir auka kollagenframleiðslu húðarinnar? 

„Góðu fréttirnar eru þær að ýmsar af þeim meðferðum sem við bjóðum geta hjálpað til við að auka kollagenframleiðslu húðarinnar. Hjúkrunarfræðingar Húðfegrunar eru sérþjálfaðir í að meta hvaða meðferð hentar hverjum og einum, segir Díana.“

Þessar meðferðir Húðfegrunar auka kollagenframleiðslu húðarinnar:

  • Laser Peeling
  • Hollywood Glow eða Andlitsgló
  • Dermapen
  • Gelísprautun
  • Laserlyfting
  • Húðþétting

Laser Peeling

Húðfegrun býður nýja öfluga lasermeðferð sem byggir upp kollagen djúpt í undirlagi húðarinnar á sama tíma og ysta lagið er endurnýjað. Díana segir Laser Peeling vera eina öflugustu meðferð sem býðst til að fá fallegri áferð á ysta lag húðarinnar og til að draga úr djúpum og grunnum línum. 

Ásthildur er 59 ára og hefur komið í Laser Peeling hjá Húðfegrun 

„Ég kom í Laser Peeling meðferðina vegna þess að ég þurfti að láta þétta húðina mína. Hún var orðin svo þreytt, slöpp og ysta lag húðarinnar var skemmt.“

Hvernig upplifðirðu Laser Peeling meðferðina? 

„Ég fann aðeins hita í húðinni á meðan á meðferð stóð. Strax eftir meðferð fann ég að eitthvað var að gerast í undirlagi húðarinnar. Þá fann ég nokkurs konar strekkings tilfinningu og smá sviða í húðinni.“

Hvaða árangur sástu í kjölfar meðferðarinnar? 

„Nokkrum dögum eftir meðferð sá ég mikinn mun á húðinni. Áferð hennar gjörbreyttist, húðliturinn varð jafnari, húðin virkaði unglegri og varð mikið þéttari, sérstaklega hálsinn sem var orðinn gríðarlega slappur. Þetta sá ég strax eftir fyrstu meðferð.“

Hollywood Glow eða Andlitsljómi

Þessi nýja meðferð hefur notið mikilla vinsælla hjá stórstjörnum víða um heim. Stjörnurnar nýta sér meðferðina gjarnan fyrir sérstök tilefni eins og Óskarsverðlaunahátíðina. Meðferðin er framkvæmd með nær-innrauðu ljósi (NIR infrared light) sem hitar húðina á þægilegan máta og örvar kollagenframleiðslu húðarinnar. Hollywood Glow eða Andlitsljómi er örugg og þægileg meðferð sem hentar fyrir allar húðgerðir. Húðin verður þéttari og fær samstundis aukinn ljóma.

Guðrún er 49 ára og hefur komið í Hollywood Glow meðferð
„Þegar ég heyrði af Hollywood Glow meðferðinni var ég forvitin að prófa. Meðferðin sjálf var mjög notaleg og algjörlega sársaukalaus. Það kom smá hiti frá lasernum en það var notalegt. Ég sá strax mun eftir fyrstu meðferð. Húðin var stinn og þétt. Allt sem var farið að slappast, varð þéttara. Húðin varð líka rosalega mjúk og hélst þannig lengi eftir meðferðina. Aðrir tóku eftir breytingu á útliti mínu og ég fékk hrós fyrir að líta vel út. Ég ætla að taka nokkur skipti í Hollywood Glow og er spennt að sjá árangurinn.“

Dermapen 

Dermapen er meðferð sem vinnur á undirlagi húðarinnar, og örvar þar framleiðslu kollagens og elastínþráða. Kollagenuppbygging húðarinnar hefst strax að lokinni meðferð og merkja má sjáanlegan árangur með hverjum degi sem líður frá meðferð. Dermapen meðferðin þéttir og styrkir húðina og gefur henni fallegan blæ, auk þess að grynnka hrukkur og fínar línur.

Meðferðin er framkvæmd með þeim hætti að serum sem inniheldur náttúrulegar fjölsykrur er borið á húðina. Í kjölfarið er farið yfir ysta lag hennar með nálum Dermapen pennans sem ýtir efninu niður í undirlag húðarinnar. Breytilegum styrkleika er beitt eftir því hversu djúpt er verið að vinna á undirlagi húðarinnar.

Pétur er 31 árs og hefur komið í Dermapen meðferð

„Ég hafði prófað dermaroller heima og var því spenntur að prófa Dermapen hjá Húðfegrun. Ég bað um mesta styrkleika í meðferðinni því ég vildi sjáanlegan árangur. Ég verð að viðurkenna að þetta var frekar sársaukafullt en samt alveg þolanlegt. Deyfikremið kom sér vel en það var borið á fyrir meðferðina.

Hjúkrunarfræðingurinn vissi upp á hár hvað hún var að gera og var mikill fagmaður. Ég sá strax árangur og um tveimur dögum eftir meðferðina var húðin mýkri og þéttari. Eftir um hálfan mánuð tók ég eftir að svitaholurnar höfðu minnkað töluvert og húðin var orðin mjög stinn. Ég ætla að nýta mér Dermapen meðferðina reglulega.“

Gelísprautun 

Gelísprautun með Neauvia fjölsykrum hefur áhrif á kollagenframleiðslu húðarinnar. Gelísprautun er sniðin að þörfum hvers og eins. Línur, drættir og hrukkur jafnast út og húðin öðlast ljóma og þéttleika á ný. Hægt er að framkvæma meðferðina nánast hvar sem er á andlitinu. Meðferðin er tilvalin fyrir þá sem vilja byggja upp kollagen í húðinni en vilja sjá árangur strax við fyrstu meðferð.

Hrönn er 58 ára og nýtir sér Gelísprautun reglulega
„Ég kem reglulega í Gelísprautun hjá Húðfegrun og hef gert það í mörg ár. Gelíprautunin frískar upp á útlitið og línurnar verða minna áberandi.“

Laserlyfting

Laserlyfting er mjög öflug meðferð til að byggja upp kollagen í húðinni. Það sem gerir Laserlyftingu einstaka er tæknin sem tryggir örugga og árangursríka uppbyggingu kollagens djúpt í undirlagi húðarinnar með náttúrulegum og sársaukalausum hætti. 

Meðferðin styrkir húðina og losar þig við hrukkur og slappa húð á öllu andlitinu, augnsvæði, hálsi, svæði undir höku, bringu og handarbökum. Einnig spornar meðferðin gegn öldrun húðarinnar ásamt því að lífga upp á útlitið. 

Bryndís Alma, framkvæmdastjóri Húðfegrunar hefur nýtt sér Laserlyftingu á augnsvæði 

„Ég ákvað að fara í Laserlyftingu á augnsvæði því ég var orðin rosalega þreytuleg eftir að hafa fengið lítinn svefn. Ég var komin með bauga og poka undir augun. 

Meðferðin sjálf er virkilega þægileg, og slökun að liggja á bekknum á meðan hjúkrunarfræðingurinn framkvæmir meðferðina. Strax eftir meðferðina fannst mér augnsvæðið líta frísklegra út. Það var svo mánuði eftir fyrstu meðferð sem ég byrjaði að sjá svakalegan mun á svæðinu. Ég fór í fjórar meðferðir eins og hjúkrunarfræðingarnir mæla með og eftir hverja þeirra var alltaf flottari og flottari árangur. Núna er ég laus við öll þreytumerki og augnsvæðið lítur virkilega vel út. Ég mun nýta mér Laserlyftingu á augnsvæði regluna til að viðhalda árangrinum. “

Húðþétting 

Húðþétting er tilvalin meðferð til að auka framleiðslu kollagens í undirlögum húðarinnar víðsvegar á líkamanum og í andliti. Þessi meðferð er gjarnan notuð til að þétta húð á upphandleggjum, maga, lærum og undirhöku. 

Notaðar eru útvarpsbylgjur sem hita undirlag húðarinnar uppí 60 – 65° hita, sem gerir það að verkum að húðin þéttist og stinnist og ummál minnkar. Til að ná sem bestum árangri er mælt með a.m.k. fjórum meðferðum. Árangur heldur áfram að koma í ljós í allt að sex mánuði eftir meðferð því kollagenframleiðsla húðarinnar heldur áfram að aukast.

Heiða er 43 ára og hefur komið fjórum sinnum í Húðþéttingu á upphandleggjum

 „Húðin á upphandleggjunum mínum var orðin mjög slöpp. Þetta plagaði mig en ég vissi ekki hvað væri til ráða. Þegar ég heyrði af Húðþéttingunni hjá Húðfegrun ákvað ég að prófa. Mér finnst alveg magnað að þessi tækni sé til. Húðin er orðin mun stinnari og ég sé mikinn mun eftir að hafa komið fjórum sinnum í meðferðina.“

Hægt er að bóka tíma alla virka daga milli kl. 09.00 – 18.00 í

Síma 533-1320. 

Við tökum vel á móti þér í Vegmúla 2.

risus porta. elementum consectetur libero ut ipsum nunc mattis