Húðslípun

Fallegri, mýkri og sléttari húð

Húðslípun

Húðslípun er mjög áhrifarík og örugg húðmeðferð sem framkvæmd er með Silk Peel húðslípunartæki. Um er að ræða heildræna húðmeðferð án skurðaðgerðar. Meðferðin er framkvæmd með þeim hætti að ysta lag húðarinnar er fjarlægt með notkun örsmárra kristalla og demanta.

Húðslípun vinnur á:

  • Fínum línum og hrukkum
  • Exemhúð
  • Örum eftir bólur og skurði
  • Ótímabærri öldrun húðarinnar
  • Hörundslýtum
  • Húðþykkildum
  • Unglingabólum
  • Óhreinni húð
  • Fitustíflum/ fitunöbbum
Húðslípun niðurstöður - Fleiri Myndir

Meðferðin fjarlægir dauðar húðfrumur og örvar vöxt nýrra frumna og bandvefs í undirlagi húðarinnar.
Strax eftir fyrstu meðferð fær húðin aukinn ljóma þar sem hún verður frísklegri, unglegri, og þéttari, auk þess sem svitaholur minnka. Áferð húðarinnar verður fallegri, mýkri og sléttari.

Það sem gerir Húðslípun einstaka er tæknin sem tryggir örugga og árangursríka hreinsun á ysta lagi húðarinnar. Meðferðin fjarlægir stíflur, óhreinindi og húðfitu sem er föst í svitaholum og fínum línum. Eftir meðferð verður húðin móttækilegri fyrir virkum efnum í kremum sem borin eru á andlitið. Þessi einstaka húðmeðferð lætur húð þína líta betur út og endurheimta ljóma sinn.

Meðferðin bætir áferð og vinnur gegn öldrun húðarinnar. Eldri húð sem farin er að þynnast þéttist og styrkist. Á meðan á meðferð stendur verða stöðugar framfarir og er sjáanlegur munur eftir hvert skipti. Húðslípun er árangursrík meðferð sem hentar öllum aldri og húðtegundum.

Fjöldi meðferða: Til að fríska upp á þreytta húð næst góður árangur eftir eitt skipti. Til að vinna á óhreinindum eða öðrum vandamálum er hins vegar mælt með að teknar séu þrjár til sex meðferðir með viku til tveggja vikna millibili til að ná sem bestum árangri. Fyrir mjög óhreina og/eða örótta húð og húðslit er mælt með að taka að lágmarki sex meðferðir með þriggja vikna millibili til að ná sem bestum árangri. Alltaf þarf að líða a.m.k. ein vika á milli meðferða.

Eftir meðferð þarf að:

  1. Bera græðandi krem á svæðið tvisvar á dag í eina viku.
  2. Forðast sól og ljósabekki í a.m.k. þrjá daga.
  3. Forðast sund í a.m.k. sólarhring.
  4. Sleppa líkamsrækt samdægurs.
  5. Nota a.m.k. SPF 30 sólarvörn í allavega eina viku.

Viltu frekari upplýsingar um Húðslípun?
Hafðu samband við okkur og við aðstoðum þig!

1341deab109a89d65362bc186c3bbe64KKKKKKKKKKKKKKKKKK